اشعار صلاح جاهين مكتوبة



صور اشعار صلاح جاهين مكتوبة

خرج ابن ادم من العدم قلت ياه
رجع ابن ادم للعدم قلت ياه
تراب بيحيا … و حى بيصير تراب
الاصل هو الموت و الا الحياة

 


عجبى

 

!!
===============
ضريح رخام فيه السعيد اندفن
و حفرة فيها الشريد من غير كفن
مريت عليهم .

 

.

 

قلت يا للعجب
لاتنين ريحتهم لها نفس العفن
عجبى

 

!!
===============
ياما صادفت صحاب و ما صاحبتهمش
و كاسات خمور و شراب و ما شربتهمش
اندم على الفرص اللى انا سبتهم
و الا على الفرص اللى ما سبتهمش
عجبى

 

!
===============
و الكون دة كيف موجود من غير حدود
و فيه عقارب لية و تعابين و دود
عالم مجرب فات و قال سلامات
دة ياما فيه سوالات من غير ردود
عجبى

 

!!
===============
انا شاب لكن عمري الف عام
وحيد لكن بين ضلوعى زحام
خايف و لكن خوفى منى انا
اخرس و لكن قلبي مليان كلام
عجبى

 

!!!
===============
يا باب يا مقفول … امتى الدخول
صبرت ياما و اللى يصبر ينول
دقيت سنين … و الرد يرجع لى مين

 


لو كنت عارف مين انا كنت اقول
عجبى

 

!!
===============
احب اعيش و لو في الغابات
اصحي كما و لدتنى امي و ابات
طائر .

 

.

 

حوان..

 

حشرة .

 

.

 

بشر .

 

.بس اعيش
محلا الحياه..

 

حتى في هيئة نبات
عجبى

 

!
===============
سهير ليالي و ياما لفيت و طفت
و في ليلة راجع في الضلام قمت شفت
الخوف … كانة كلب سد الطريق
و كنت عاوز اقتلة .

 

.

 

بس خفت
عجبى

 

!
===============
كان فيه زمان سحلية طول فرسخين
كهفين عيونها و خشمها بربخين
ماتت لكين الرعب لم عمرة ما ت
مع انه فات بدل التاريخ تاريخين
عجبى

 

!
===============
عجبتنى كلمة من كلام الورق
النور شرق من بين حروفها و برق
حبيت اشيلها في قلبي .

 

.

 

قالت حرام
دة انا كل قلب دخلت فيه اتحرق
عجبى

 

!!
===============
رقبة قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع و حوش
و صاحبت ناس م الخمرة ترجع بشر
عجبى

 

!!!
===============
لية يا حبيبتي ما بيننا دايما سفر
دة البعد ذنب كبير لا يغتفر
لية يا حبيبتي ما بيننا دايما بحور
اعدى بحر الاقى غيرة اتحفر
عجبى

 

!!
===============
ورا كل شباك الف عين مفتوحين
و انا و انتي ما شيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبى

 

!!
===============
نوح راح لحالة و الطوفان استمر
مركبنا تايهة لسة مش لاقية بر
اة م الطوفان و اهين يا بر الامان
ازاى تبان و الدنيا غرقانة شر
عجبى

 

!
===============
على رجلي دم .

 

.

 

نظرت له ما احتملت
على ايدى دم..

 

سالت لية

 

 

لم و صلت
على كتفى دم..

 

و حتى على راسي دم
انا كلى دم .

 

.

 

قتلت

 

 

…..

 

و الا اتقتلت
عجبى

 

!
===============
انا كل يوم اسمع ……..

 

فلان عذبوه
اسرح في بغداد و الجزاير و اتوه
ما اعجبش م اللى يطيق بجسمة العذاب
و اعجب من اللى يطيق يعذب اخوه
عجبى

 

!!
===============
ينبوع و في الحواديت انا سمعت عنه
انة عجيب .

 

.

 

و في و سط لهاليب لكنه
شقيت كما الفرسان طريقى .

 

.

 

لقيت
حتى الخنازير و الكلاب شربوا منه
عجبى

 

!!!
===============
يا قرص شمس ما لهش قبة سما
يا و رد من غير ارض شب و نما
يا اي معنى جميل سمعنا عليه
الخلق لية عايشين حياة مولمه
عجبى

 

!!
===============
شاف الطبيب جرحى وصف له الامل
وعطانى منه مقام يا دوب ما اندمل
مجروح جديد يا طبيب و جرحى لهيب
ودواك فرغ منى ….

 

و اية العمل
عجبى

 

!!
===============
اعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية و عيون كتير
وباحس فيهم كلهم بالحزن
عجبى

 

!
===============
ايش تطلبى يا نفس فوق كل ده
حظك بيضحك و انتي متنكده
ردت قالت لى النفس قول للبشر
ما يبصوليش بعيون حزينة كده
عجبى

 

!
===============
اقلع غماك يا تور و ارفض تلف
اكسر تروس الساقية و اشتم و تف
قال بس خطوة كمان .

 

.

 

و خطوة كمان
يا اوصل نهاية السكة يا البير تجف
عجبى

 

!!
===============
يا حزين يا قمقم تحت بحر الضياع
حزين انا زيك و اية مستطاع
الحزن ما بقالهوش جلال يا جدع
الحزن زي البرد … زي الصداع
عجبى

 

!!!
===============
فى يوم صحيت شاعر براحة و صفا
الهم زال و الحزن راح و اختفي
خدنى العجب و سالت روحى سوال
انا مت

 

 

و لا و صلت للفلسفه
عجبى

 

!!
===============
الفيلسوف قاعد يفكر سيبوه
لا تعملوة سلطان و لا تصلبوه
ما تعرفوش ان الفلاسفة يا هوه
اللى يقولوة بيرجعوا يكدبوه
عجبى

 

!!
===============
على بعد مليون ميل من ارضنا
من الفراغ الكوني بصيت انا
لا شفت فرق بين جبال و بحور
و لا شفت فرق ما بين عذاب او هنا
عجبى

 

!
===============
انسان ايا انسان ما اجهلك
ما اتفهك في الكون و ما اضالك
شمس و قمر و سدوم و ملايين نجوم
و فاكرها يا موهوم مخلوقة لك
عجبى

 

!
===============
نظرت فوق للنجوم و انا ساير
رجليا عترت في الحفر و الحجاير
بقيت اقول و انا على التراب: يا سلام
مش بس عبرة اخذت لكن عباير
عجبى

 

!!
===============
– يا نجم .

 

.

 

نورك لية كدة بيرتجف

 


هو انت قنديل زيت

 

 

او تختلف
– انا نجم عالى .

 

.

 

بس عالى قوي
و كل ما انظر تحت اخاف انحدف
عجبى

 

!!!
===============
السم لو كان في الدوا منين يضر

 


و الموت لو عدونا .

 

.

 

منين يسر؟
حط القلم في الحبر و اكتب كمان
..

 

و العبد للشهوات .

 

.

 

منين هو حر؟
عجبى

 

!!
===============
وقفت بين شطين على قنطره
الكدب فين و الصدق فين يا تري
محتار ح اموت .

 

.

 

الحوت خرج لى و قالي
هو الكلام يتقاس بالمسطره
عجبى

 

!!
===============
سرداب في مستشفى الولادة طويل
صرخات عذاب و را كل باب و عويل
..

 

و في الطريق متزوقين البنات
متزوقين للحب و المواويل
عجبى

 

!
===============
الدنيا اودة كبيرة للانتظار
فيها ابن ادم زية زي الحمار
الهم واحد .

 

.

 

و الملل مشترك
و مفيش حمار بيحاول الانتحار
عجبى

 

!
===============
ايوب رماة البين بكل العلل
سبع سنين مرضان و عندة شلل
الصبر طيب .

 

.

 

صبر ايوب شفاه
بس الاكادة ما ت بفعل الملل
عجبى

 

!!
===============
نسمة ربيع لكن بتكوى الوشوش
طيور جميلة بس من غير عشوش
قلوب بتخفق انما و حدها
هى الحياة كدة .

 

.

 

كلها في الفاشوش
عجبى

 

!!!
===============
يا طير يا عالى في السما طظ فيك
ما تفتكر شي ربنا مصطفيك
برضك بتاكل دود و للطين تعود
تمص فيه يا حلو .

 

.

 

و يمص فيك
عجبى

 

!!
===============
كروان جريح مضروب شعاع م القمر
سقط من السموات فوادة انكسر
جريت عليه قطة علشان تبلعه
اتارية خيال شعراء و ما لهوش اثر
عجبى

 

!!
===============
ياللى نصحت الناس بشرب النبيت
مع بنت حلوة .

 

.

 

و عود , و ضحك , و حديت
مش كنت تنصحهم منين يكسبوا
تمن دة كله

 

 

… و الا يمكن نسيت
عجبى

 

!
===============
ما حد في الدنيا و اخد جزاته
و لا حد بيفكر في غير لذاذاته
ما تعرفيش يا حبيبتي .

 

.

 

انا و انتي مين؟
انتى عروس النيل … و انا النيل بذاته
عجبى

 

!
===============
رقاصة خرسا و رقصة من غير نغم
دنيا .

 

 

.

 

يا مين يصالحها قبل الندم
ساعتين تهز بوجهها يعني
يترجرجوا نهديها يعني نعم
عجبى

 

!!
===============
اخطفنى ياللى تحبنى على الحصان
الدنيا قالت يوم في ما ضى الزمان
اخطفنى ياللى تحبنى على الفرس
الدنيا قالت .

 

.

 

قام خطفها الشيطان
عجبى

 

!!!
===============
من بين شقوق الشيش و شقشقت لك
مع شهقة العصافير و زقزقت لك
نهار جديد انا .

 

 

.

 

قوم نشوف نعمليه
انا قلت يا ح تقتلنى .

 

.

 

يا ح اقتلك
عجبى

 

!!
===============
جالك اوان و وقفت موقف و جود
يا تجود بدة يا قلبي يا بدة تجود
ما حد يقدر يبقى على كل شئ
مع ان عجبى كل شئ موجود
عجبى

 

!!
===============
جالك اوان و عرفت مشي الجنايز
كيف شفتها يا عبد رب اللذايذ
قال شفت شيل بالحيل فقير او امير
كما شالوا في الخمامير فواضى القزايز
عجبى

 

!
===============
انا كنت شئ و صبحت شئ ثم شئ
شوف ربنا .

 

.

 

قادرعلى كل شئ
هز الشجر شواشية و وشوشنى قال
لابد ما يموت شئ عشان يحيا شئ
عجبى

 

!
===============
يا مشرط الجراح امانة عليك
و انت في حشايا تبص من حواليك
فية نقطة سودة في قلبي بدات تبان
شيلها كمان .

 

.

 

و الفضل يرجع اليك
عجبى

 

!!
===============
كيف شفت قلبي و النبى يا طبيب
همد و ما ت و الا سامع له دبيب
قاللى لقيتة مختنق بالدموع
و ما لوش دوا غير لمسة من ايد حبيب
عجبى

 

!!!
===============
تسلم يا غصن الخوخ يا عود الحطب
بييجى الربيع .

 

.

 

تطلع زهورك عجب
و انا لية بيمضى ربيع و ييجى ربيع
و لسة برضك قلبي حتة خشب
عجبى

 

!!
===============
قلبي عليل يا ناس و في الكاس دواه
مديت له ايدى شربت م اللى حواه
جنبى الشمال خف .

 

.

 

اليمين اتوجع
و اية يداوى الكبد م اللى كواه
عجبي!!
===============
..

 

دى مزكرات و كتبتها من سنين
فى نوتة زرقا لون بحور الحنين
عترت فيها .

 

.

 

رميتها في المهملات
وقلت صحيح اما صحيح كلام مخبولين
عجبى

 

!
===============
دخل الشتا و قفل البيبان على البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات اكتر بترفض تموت
عجبى

 

!
===============
الدنيا من غير الربيع ميته
ورقة شجر ضعفانة و مفتته
لا يا جدع غلطان تامل و شوف
زهر الشتا طالع في عز الشتا
عجبى

 

!!
===============
ياللى انت بيتك قش مفروش بريش
تقوى عليه الريح .

 

.

 

يصبح ما فيش
عجبى عليك حواليك مخالب كبار
و ما لكش غير منقار و قادر تعيش
عجبى

 

!!!
===============
سمعت نقطة مية جوة المحيط
بتقول لنقطة ما تنزليش في الغويط
اخاف عليكى م الغرق .

 

.

 

قلت انا
دة اللى يخاف م الوعد يبقى عبيط
عجبى

 

!!
===============
بحر الحياة مليان بغرقى الحياه
صرخت خش الموج في حلقى ملاه
قارب نجاة .

 

.

 

صرخت قالوا مفيش
غير بس هو الحب قارب نجاه
عجبى

 

!!
===============
فارس وحيد جوة الدروع الحديد
رفرف عليه عصفور و قال له نشيد
منين .

 

.

 

منين..

 

و لفين لفين يا جدع
قال من بعيد و لسة رايح بعيد
عجبى

 

!
===============
كان فيه قمر كانة فرخ الحمام
على صغرة دق شعاع شق الغمام
انا كنت حاضر قلت له ينصرك
اشحال لما حتبقى بدر التمام
عجبى

 

!
===============
النهد زي الفهد نط اندلع
قلبي انهبش بين الضلوع و انخلع
ياللى نهيت البنت عن فعلها
قول للطبيعة كمان تبطل دلع
عجبى

 

!!
===============
صوتك يا بنت الاية كانة بدن
يرقص يزيح الهم يمحى الشجن
يا حلوتى و بدنك كانة كلام
كلام فلاسفة سكروا نسيوا الزمن
عجبى

 

!!!
===============
كرباج سعادة و قلبي منه اجلد
رمح كانة حصان و لف البلد
و رجع لى نصل الليل و سالنى .

 

.

 

ليه
خجلان تقول انك سعيد يا و لد
عجبى

 

!!
===============
مزيكة هادية الكون فيها انغمر
وصيف و ليل و عقد فل و سمر
يا هلترى الناس كلهم مبسوطين
و يا هلترى شايفين جمال القمر

 


عجبي!!
===============
انشد يا قلبي غنوتك للجمال
و ارقص في صدري من اليمين للشمال
ما هوش بعيد تفضل لبكرة سعيد
دة كل يوم فيه الف الف احتمال
عجبى

 

!
===============
اة لو انا و محبوب جزنا الفضا
فى سفينة و حدينا .

 

.

 

و اشيا رضا
ساعة صفا تعجبنا نرجع لها
و الهم قبل ما ييجى .

 

.

 

يبقى مضى
عجبى

 

!
===============
انا الة الوجد رب الهيام
اضرب بسهم الوهم و هم الغرام
و هم الغرام من كتر ما هو لذيذ
رشقت انا في صدري كل السهام
عجبى

 

!!
__________________
حدوتة عن جعران و عن خنفسه
اتقابلوا حوا بعض ساعة مسا
و لا قال لهم حد اختشوا عيب حرام
و لا حد قال دى علاقة متدنسه
عجبى

 

!!!
===============
ياللى عرفت الحب يوم و انطوي
حسك تقال مشتاق لنبع الهوي
حسك تقول مشتاق لنبع الغرام
دة الحب .

 

.

 

مين داق منه قطره…ارتوي
عجبى

 

!!
===============
زحام و ابواق سيارات مزعجه
للى يطول له رصيف..

 

يبقى نجا
لو كنت جنبى يا حبيبي انا
مش كنت اشوف ان الحياة مبهجه
عجبي!!
===============
ايديا في جيوبى و قلبي طرب
سارح في غربة بس مش مغترب
و حدى لكين و نسان و ما شي كده
وبابتعد ما اعرف .

 

.

 

او باقترب
عجبى

 

!
===============
يا ميت ندامة على القلوب الخلا
لا محبة فيها و لا كراهة و لا
حتى يا قلبي الحزن ما عادش فيك
معلهش .

 

.

 

لك يوم برضة راح تتملا
عجبى

 

!
===============
مرحب ربيع مرحب ربيع مرحبه
يا طفل يا للى في دمى ناغا و حبا
علشان عيونك يا صغنن هويت
حتى ديدان الارض و الاغربه
عجبى

 

!!
===============
فتحت شباكى لشمس الصباح
ما دخلش منه غير عويل الرياح
و فتحت قلبي عشان ابوح بالالم
ما خرجش منه غير محبة و سماح
عجبى

 

!!!
===============
غمست سنك في السواد يا قلم
عشان ما تكتب شعر يقطر الم
مالك جرالك اية يا مجنون … و ليه
رسمت و ردة و بيت و قلب و علم
عجبى

 

!!
===============
انا الذى عمري اشتياق في اشتياق
و قطر داخل في محطة الفراق
قصدت نبع السم و شربت سم
من كتر شوقى و عشمى في الترياق
عجبى

 

!!
===============
انا الذى عشت الزمن مضيعه
بروح حزينة معفنة مضعضعه
زرعت شجرة سنط لجل انجرح
لقتها شعر البنت و مفرعه
عجبى

 

!
===============
لو فيه سلام في الارض و طمان و امن
لو كان مفيش و لا فقر و لا خوف جبن
لو يملك الانسان مصير كل شئ
انا كنت اجيب للدنيا ميت الف ابن
عجبى

 

!
===============
العشب طاطا للنسايم و نخ
اخضر طرى ما لهش في الحسن اخ
عصفور عبيط انا .

 

.

 

غاوى بهجة و غنا
ح انزلهنا..

 

و انشا لله يهبرنى فخ
عجبى

 

!!
===============
اوصيك يابنى بالقمر و الزهور
اوصيك بليل القاهرة المسحور
وان جيت في بالك .

 

.

 

اشترى عقد فل
لاى سمرا..

 

و قبرى اوعك تزور
عجبى

 

!!!
===============
غمض عينيك و ارقص بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ….تقع
عجبى

 

!!
===============
حاسب من الاحزان و حاسب لها
حاسب على رقابيك من حبلها
راح تنتهى و لابد راح تنتهي
مش انتهت احزان من قبلها؟
عجبى

 

!!
===============
ياسك و صبرك بين ايديك و انت حر
تياس ما تياس الحياة راح تمر
انا دقت مندا و مندا عجبى لقيت
الصبر مر و برضك الياس مر
عجبى

 

!
===============
ولدى نصحتك لما صوتى اتنبح
ما تخفش من جنى و لا من شبح
وان هب فيك عفريت قتيل اساله
ما دافعش لية عن نفسة يوم ما اندبح
عجبى

 

!
===============
ولدى اليك بدل البالون ميت بالون
انفخ و طرقع فيه على كل لون
عساك تشوف بعينك مصيرالرجال
المنفوخين في السترة و البنطلون
عجبى

 

!!
===============
خوض معركتها زي جدك ما خاض
صالب و قالب شفتك بامتعاض
هى كده…ما تنولش منها الامل
غير بعض صد و رد و وجاع مخاض
عجبى

 

!!!

  • اشعار صلاح جاهین
  • من اشعار صلاح جاهين
  • صور لاشعار صلاح جاهين
  • اشعار صلاح جاهين مكتوبة
  • اشعار تنتهي في الف
  • يحيا علاء شربت الحب كاس ورا كاس
  • اشعارصلاح جاهين بالصور
  • رباعيات صلاح جاهين مكتوبة
  • صور شعر صلاح جاهين
  • صور عليها اشعار صلاح جاهين

1٬257 views

اشعار صلاح جاهين مكتوبة