حلويات سريعة التحضير


 

 

كيك بجيلى المانجو
المقادير:
كوب زبده
2 كوب سكر
كيس جيلى بالمانجو
4 بيضات
1/2 كوب ما نجو مهروس او مضروب في الخلاط بدون ماء
3 الا ربع كوب دقيق
2 و نصف ملعقه صغيره بيكينج باودر
ملعقه صغيره فانيليا
كوب لبن

للحشو:

جيلى ما نجو بارد في قالب بنفس مقاس قالب الكيك)

الطريقه:
1 اخلطى الزبده مع السكر بالمضرب لغايه ما يبقي الخليط عامل زى الكريمه،

و بعد كده ضيفى حبيبات الجيلى مع الاستمرار في الخلط،

لغايه ما كل المكونات تتجانس مع بعضها.

2 بعد كده ضيفى بيوريه المانجو و البيض مع الاستمرار في الخلط.

3 اخلطى الدقيق مع البيكينج باودر و الفانيليا،

و بعد كده ضيفيهم للخليط السابق مع الاستمرار في الخلط،

و بعد كده ضيفى اللبن و اضربى كل المكونات مع بعضها لغايه ما تحسى ان كلها تجانست.

4 هاتى الصينيه اللى هتعملى فيها الكيك و ادهنيها بالقليل من الزبده و شويه دقيق،

و بعد كده تخلصى من الدقيق الزياده،

و بعدين صبى فيها خليط الكيك اللى جهزتيه،

و ساوى السطح.

5 دخلى الصينيه في فرن ساخن على درجه حراره 180،

و سيبيها تستوى لمده نصف ساعه او لغايه ما تحسى انها استوت.

6 طلعى الكيكه من الفرن و سيبيها لغايه ما تبرد خالص تماما،

و بعد كده اقسميها بالعرض الى 3 طبقات متساويه في الارتفاع.

7 حطى اول طبقه من الكيكه في طبق التقديم،

و افردى عليها طبقه من جيلى المانجو،

و بعد كده حطى طبقه تانيه من الكيكه و كررى نفس الحركه مع باقى الطبقات،

و بعد كده ممكن تزينى سطح الكيكه بالكريم شانتيه و قطع المانجو و قدميها..

و بالهنا و الشفا.

صوره حلويات سريعة التحضير

كاسترد بالمكسرات
المقادير:

4 اكواب لبن كامل الدسم
1/4 كوب سكر
3 ملاعق كبيره بودره كاسترد
1/2 1 ملعقه صغيره حبهان مطحون
مكسرات للتزيين؛

اى نوع انت بتحبيه جوز او فستق او عين جمل او جوز الهند او زبيب)

الطريقه:
1 سخنى اللبن و السكر و الحبهان في اناء،

و سيبيهم على نار هاديه لغايه ما يغلوا مع التقليب المستمر.

2 دوبى بودره الكاسترد في حوالى 4/1 كوب ميه،

و ضيفيها تدريجيا الى خليط اللبن و السكر و الحبهان،

و خدى بالك انك في الوقت ده تكون النار هاديه،

و تقلبى بملعقه خشبيه باستمرار علشان الخليط ما يلزقش.

3 سيبى الخليط ده يغلى على النار كويس،

و بعد ربع ساعه شيليه من على النار،

و ضيفى اليه ماء الورد،

و رجعيه تانى على النار لمده خمس دقائق كمان مع التقليب المستمر.

4 بعد كده هاتى اطباق التقديم و صبيه فيها،

و بعد ما يبرد زينى الاطباق بالمكسرات،

و حطيه في الثلاجه و طلعيه عند التقديم.

حلويات مصريه سريعه التحضير 2019 بالصور حلويات سريعه التحضير
السمبوسك الحلو
المقادير:

1/2 لفه جلاش
1/2 كوب زبد سايحه
1/2 كيلو جبنه ريكوتا
2 ملعقه كبيره سكر
3/4 كوب شربات
2 ملعقه كبيره فستق مفروم للتزيين

مقادير الشربات:

1/2 كوب سكر
3/4 كوب ميه
عصير ليمونه
فانيليا

الطريقه:
1 اخلطى الجبنه الريكوتا مع السكر في طبق.

2 حطى رقائق الجلاش على سطح مستوى و قطعى كل ورقه جلاش لمربعات عرضها حوالى 4-5 سم.

3 خدى كل مربع و حطى فيها 2 ملعقه صغيره من خليط الريكوتا في الوسط،

و اطوى كل الاطراف للداخل علشان تبقي على شكل و رده مربعه و بداخله الحشو،

و بتكررى نفس الطريقه دى لغايه ما تخلصى كل اللى عندك..

و ادهنى طرف كل وجبه بشويه زبده علشان تلزق.

4 هاتى صينيه فرن و ادهنيها بالزبده،

و حطى فيها مثلثات السمبوسك،

و ادهنى سطح السمبوسك بالزبده.

5 سخنى الفرن على درجه حراره عاليه 220 مئويه)،

و دخلى الصينيه الفرن لمده 30 دقيقه او لغايه ما تلاقى ان و ش اللفائف بقي ذهبي،

و ممكن انك تحمريها في الزيت بدلا من وضعها في الفرن.

6 خرجيها من الفرن،

و صبى على كل وجبه ملعقه من الشربات البارد و رشى عليها فستق.
حلويات مصريه سريعه التحضير 2019 بالصور حلويات سريعه التحضير
كنافه مقليه بالكريمه و الفاكهه
مقادير الكنافه:

1/2 كيلو كنافه
زيت للقلي
كوب شربات
كوب كريمه مخفوقه
كوب فاكهه مشكله مانجو تفاح جوافه كريز)

مقادير الشربات:

1/2 كوب سكر
3/4 كوب ماء
عصير ليمونه
فانيليا

طريقه عمل الشربات:
حطى السكر و الميه كلهم مع بعض في اناء على نار هادئه لمده ربع ساعه،

و بعد كده ضيفى الليمون،

و سيبيه لمده 5 دقائق لغايه ما يغلي،

و حطى الفانيليا و شيليه من على النار،

و سيبيه لغايه ما يبرد.

طريقه عمل الكنافه:
1 اقلى الكنافه في زيت ساخن لغايه ما لونها ياخذ اللون الذهبي.

2 بعد ما لونها يبقي ذهبى شيليها من على النار و حطيها على ورق لامتصاص الزيت الزائد.

3 هاتى طبق الحلويات،

و حطى فيه طبقه من الكنافه و اسقيها بالشربات و هى سخنه و حطى طبقه تانيه من الكريمه و الفاكهه و طبقه اخري من الكنافه و زينيها من فوق بالكريمه و الفاكهه.

2٬533 views

حلويات سريعة التحضير