طريقة العنايه للبشره فى شهر العسل


طريقة العنايه للبشره في شهر العسل

 

اليوم هقدملكم طرق للاعتناء بالبشره اثناء اهم شهر في حياتك وهو شهر العسل

صوره طريقة العنايه للبشره فى شهر العسل

طبعا ممنوع الماسكات والعريس موجود الكلام ده بينا وبين بعض بس
هو مينفعش يشوفه

واهم نصايحي ليكي ياقمر:
-مش دايما تحطي ميكب تقيل خليكي دايما سيمبل واحلي ستايل
ستايل النو ميكب رقيق اوي

بس الميكب التقيل يكون للسهرة بس

-اوعي تنامي وتسيبي الميكب علي وشك دايما اغسليه قبل النوم

-هاتي نوع غسول للبشره كويس واستخدميه الصبح وبليل

-هاتي من العطار كميه ميه ورد مركزه محترمه وخففيها وحطيها في بخاخ وكل شويه
رشي علي بشرتك عشان تنعشيها وكمان ريحتها لطيفه وبتقفل المسام

-مره في الاسبوع هاتي اي نوع مقشر وممكن دوف كويس ولطيف ومنك كمان معقول
وياريت لو استيفز اي حاجة وهاتي فرشه اسنان ناعمه(soft)وادخلي الحمام وممكن مع الشاور بتاعك
اغسلي وشك بالغاسول وحطي المقشر وبالفرشه علي خفيف قشري وشك بحركات دائريه
واشطفي ورطبي بشرتك بمرطب خفيف

-عشان تحافظي علي نضارة بشرتك هاتي شريط فيتامينeوشريط فيتامين aمع فازلين
وفي حمام مائي لحد مايختلطوا وحطيهم جنب التسريحه وقبل النوم تحطي طبقه خفيفه جدا
علي بشرتك وكمان تحت عنيكي خفيف خالص

-طبعا تدهني شفايفك كمان والصبح تقشريها بالفرشه بردو وتحطي زبدة كاكاو وردي كدا
واتمتعي بااحلي وانعم شفايف

-شرب الميه اوعي تنسيه عشان تحافظي علي جمالك وصحتك

-ياريت تاخدي فيتامين عشان يساعد شعرك وبشرتك وكمان يقويكي في الفتره دي
لان جسمك هاتحصل فيه تغيرات كتير

صوره طريقة العنايه للبشره فى شهر العسل

 

images/5/6acd8b0eed3efe31c8e716e402b58f90.jpg

 

 

 

811 views

طريقة العنايه للبشره فى شهر العسل