طريقة عمل القرع العسلى الحلو

طريقة عمل القرع العسلي الحلو

موضوعي اليوم طعمة حلو و ريحتة احلى  و هو طريقة عمل صنية قرع عسلي حلوة بس بتكات تشرفك قدام عيلتك تعالى اقولك سر الخلطه  يارب اكون افدتك

 

صور طريقة عمل القرع العسلى الحلو

 

  • قرع سكر قطعة زبدة مقادير طبقة الباشميل 3ملاعق دقيق او حسب الكمية اللي هتعمليها زبدة كوباية لبن محلي بالسكر)+المية اللي نزلت
  • التحضير: بنشتري القرع و نفتحة و نضفة من البذر اللي جواة و نبتدي نقطعة شرائح رفيعة بالسكينة او بقشارة البطاطس اسهل بكتير
  • الطبخ: بعد ما بنقشرة بنحطة في حلة و عليه سكر حسب الرغبه و قطعة زبدة و اقلبهم و اهدي عليهم النار و متخفيش هو هينزل المية بتاعتة و كل فترة اطمن عليه و اقلبة و اضغط عليه بالشوكة عشان يتفتفت معايا هتعرفي انه استوي الزاي لما تحسي ان شكلة بقا زي المربي كدة و ميتة نقصت منه واما تضغطي عليه هتلاقية استوى
    بعد ما ستوي شوفتوا بقا عامل الزاي بعد ما طلعت عينة بالشوكة بحطة في مصفي و تحتها طبق عشان يصفي كل ميتة و ينشف خالص و اواعي ترمي ميتة دي هقولك هنعمل بيها اية في الخطوات اللي جايه
    بعد ما لقرع صفي ميتة بفردة في صينية مدهونة زبدة و احط عليه حوالي ربع كوباية لبن اختيارى)
    وانا عن نفسي مبحبذش اني احط لبن في القرع نفسة لاني لسة هعمل طبقة باشميل فمش عايزة الدنيا تبقي لبن xلبن
    نسيب الصينية دي بقا على جنب و نحضر طبقة الباشميل
    مقادير طبقة الباشميل بقا
    3ملاعق دقيق او حسب الكمية اللي هتعمليها
    زبده
    كوباية لبن محلي بالسكر)+المية اللي نزلت من القرع فاكرينها اللي قولت مترموهاش تمام كده
    وحاولي تعادلي في السكر لان مية القرع مسكرة يعني متزوديش كمية السكر في اللبن و دوقي الباشميل و انتي بتعملية لو احتاجتي سكر يبقي زودي على حسب احتياجك
    اول حاجة بنحط الزبدة تسيح و بعدين ننزل بالدقيق نشوحة شوية كدة و بعدين ننزل بمية القرع و نقلب كويس عشان ميكتلش معايا و بعدين بحط معلقة قشطة و اقلب و بعدين بنزل باللبن شوية بشوية لغاية ما اوصل لقوام الباشميل اللي انا عيزاة و يحبذ يبقي قوامة متوسط
    ونحط طبقة الباشميل على القرع اللي في الصينية و نحط فوق الوش قشطة عشان الوش يحمر و يبقي لونة جمييل و كمان طعم جمييل و ندخلها الفرن لغاية ما وشها يحمر
    بعد ما خرجت من الفرن سيبها تبرد شوية و بعدين تدخل التلاجة و تقدم بارده

 

 

 

صور طريقة عمل القرع العسلى الحلو

images/5/a3605aab5f3434297be7bfe60d13afdc.jpg

 

 

 

991 views

طريقة عمل القرع العسلى الحلو