طريقة عمل المنين
نقدم لكم اليوم طريقة عمل المنين و هي طريقة سهلة و جميلة الى كل ستات البيوت و نرجوا ان تنال اعجبكم و نتمني التعليق على الموضوع
المقادير:
1 كيلو دقيق
2 كوب سمن
نصف كوب زيت
2 معلقة كبيرة سمسم محمص خفيف
2 معلقة شاى خميرة جافه
1 معلقة شاى سكر سنترفيش
1 كوب ماء دافيء
2 معلقة شاى ريحة كحك او معلقة شاى شمر محمص و مطحون معلقة شاى يانسون محمص و مطحون
ربع معلقة شاى ملح
للحشو: يمكن عملها سادة بدون حشو
نص كيلو عجوة ،
معلقة كبيرة سمنة ،
2 معلقة كبيرة سمسم محمص ،
1 معلقة صغيرة قرفه
الطريقة
-نفصص العجوة و نفرمها ناعم و نعجنها بالسمنة و السمسم و القرفه
-نحط الخميرة مع السكر و ندوبها في الماء الدافيء و نسيبها شوية لحد ما تخمر
-ننخل الدقيق مع الملح و نحطة في طبق العجين و نخلط معاة السمسم و ريحة الكحك او الشمر و اليانسون
-نسخن السمنة كويس و نصبها فوق الدقيق و نقلب بالمعلقة لحد ما يبرد
-نضيف الزيت و نبس العجينة كويس نفركها باليد
-نضيف الخميرة و نعجن العجينة كويس اوى لحد ما تبقي العجينة ناعمه
-نغطى العجينة و نخليها في مكان دافيء لحد ما تخمر
-ناخد قطعة من العجين في حجم قبضة اليد و نفردها على شكل مستطيل و نحشيها بالعجوة و بعدين نقفل العجين على العجوة و نضغط على العجين و نقطعة بالسكينة على شكل صوابع او نشكلة باى شكل تانى و نرصة في الصوانى و ندهن الوش بسمنة سايحة و نخلى المنين يخمر تاني
-ندخل الصوانى فرن متوسط الحرارة لحد ما يستوي
