قصائد عن الرجال


قصائد وشعر عن مدح الرجال بكلمات روعه تعبر عن الشهامه والرجوله 

صوره قصائد عن الرجال

اختار سمحات الدروب النظيفه اللي غسلها رايح المزن برشاش

مشونها قوم النفوس الشريفه == اللي ضمايرهم نقيه كما الشاش

ابيوتهم مثل الحصون المنيفه == ما هي لطير البوم غيران واعشاش

وحلالهم للضيف دايم مريفه = لو رجلهم يسرح ويضوي على ماش

والرجل منهم ما يخلي رديفه = ان ما ت مثله مات وان عاش له عاش

وان مات منهم رجل عقب خليفه = يطعن نحور القوم ويرد الادباش

يعرف هدف روحه ويعرف وليفه = ما يعرف الخونه ولا هو بغشاش

وليا رزقه الله بعذراء عفيفه = ايحطها ما بين نونه والارماش

ماهو على الخفرات يستل سيفه = وان طالعوا فيه الرياجيل ينحاش

حلو النبا سمح المحيا لضيفه = ويصير له خادم مسخر وفراش

وان مد ما مدت يمينه قصيفه = مدت يمينه تبهر الخبل واللاش

واليا هرج تلقى علومه طريفه = ما هو لهفوات المناعير منقاش

وان شبت النيران ما هو بليفه = في ساعة الكربه سواي ورشاش

سده بعيد ولا احد يعرف غريفه = ولا هو لعرض المكرم العرض نهاش

والشوك في جنبه سوات القطيفه = ان كان ما له بيت مامون وافراش

ما يرتكي فوق الخبول الضعيفه = اللي ليا حركتها قدرها طاش

وان جا نهار كل قرم يعيفه = ما هو ليا ثارت على القوم رماش

الكذب يعرف بين الجواد زيفه = والصدق مثل السيف صاطي وحشاش

وصحيفته يا طيبها من صحيفة = ولها من العقال كاتب ونقاش

حاز المراجل والمراجل كليفه = الا على اللي كل ما رامها هاش

وان شاف له من جانب القوم خيفه = تلقاه للخيفه مهاجم وبطاش

الصدق والمعروف والطيب كيفه = ويغبش لها مع طلعه الفجر مغباش

للحمل ما تلقى جنوبه صخيفه = حوله بروق تعمي العين وافلاش

يصبر على جرحه ويمسح نزيفه = طبه بشبه خير من طب الاحباش

ولا هو كما سبع سنونه ضعيفه = دايم يلحسها وللعظم عراش

وان شاف له في غيبه الناس شيفه = ما هو بخبل لاخضر العود قراش

دنياه لن صارت ذلول عسيفه = طوع علهيا كل عاصي ونفاش

وان كان قفت ما عليها حسيفه = ولا هو ورا هوج المعاصير قشاش

وان جاع ما وقع كما طير جيفه = وان عري ما يلبس سماليل وخياش

صوره قصائد عن الرجال

شعر اخر عن مدح الرجال

والله ماني على مدح الرياجيل بخيل

خاصة لا جيت امدح في زحول الرجال

المشكلة مدحهم حمل لا شلته ثقيل

من ثقلها ما يقدر عليها كبار الجمال

حتى لو تحاملت على حملها لابد يميل

مال الجمل حيله على حمل الاثقال

اجل وش حيله قلم بالقصايد يخيل

في معانيها صدق من مزون الخيال

قصيده ماهي غزل فالطرف الكحيل

ولا هي عتاب وشكوه حال دون حال

قصيده مدح في ذاك الشهم الاصيل

ابو عبد الله اللي يشهد له فوح الدلال

  • اشعار عن الرجال
  • شعر عن الرجال خليجي
  • قصايد في زحول الرجال ورخوم كتابيه كلمات
  • قصائد مدح في رجال
  • قصيده عن الحبيب شموخ الجبال
  • اجمل قصيد علي الرجال
  • قصائد في من يخلي رفيقه
  • صور قصايد اسود الرجال
  • اروع الرجال من
  • مدح قوم قصائد
4٬671 views

قصائد عن الرجال