قصيدة سلمى بدر بن عبدالمحسن

بالصور قصيدة سلمى بدر بن عبدالمحسن 20160715 5

قصيده رثاء الامير بدر بن عبد المحسن

لامه(الاميره سلمي السعود الرشيد)

التى توفيت رحمها الله في 11سبتمبر1989م يوافق11صفر 1410ه

وقد رثاها بهذه القصيده /
مانشدت الشمس عن حزن الغياب=علمتنا الشمس نرضي بالرحيل

كل يوم يغرق الحظ اوعباب=ما سمعنا ناعى ما به عويل

وما هقيت الموت يجرحنى جواب=لين شفتك في سما عمرى اصيل

علمينى يااللى كفوفك سحاب=وابتسامك غيث و اهدابك نخيل

وش اسوى لا دخل فصل الضباب=وكفت عيونى و ضيعنى الدليل

حاجتى و الشيب يهدينى الصواب=حاجتى لك ما مضي بعمرى حصيل

اه يا سلمي مضي وقت العتاب=والحديث اللى بقوله لك طويل

اعتذر يمه حصل منى غياب=واعتذر ازريت لا ارد الجميل

من يجازيك و عطايك الشباب=والله العالم تري ما نى بخيل

يوم انا عارى غديتى لى ثياب=وان شكيت الضر شافيتى العليل

ويوم كبر الطفل و لمتى الذهاب=كل ما في الكون من طبع جميل

هى درت حايل و هذيك الهضاب=عن غيابك هو دري الروض المسيل

بنت من لا ثورو فوق الركاب=ما يباريهم سوي نصل و اصيل

واخت من لاكسرت سمر الحراب=من عنيف الطعن ردو للصقيل

وم من جداتهم مثل الشهاب=كاسبين المجد من جيل لجيل

ياالله المطلوب يا جزل الثواب=تجعل الجنه لها ظل ظليل

  • صور اشتياق مكتوب عليها سلمى
894 views

قصيدة سلمى بدر بن عبدالمحسن