لما تحبي خطيبك اكتر ما بيحبك



لما تحبى خطيبك اكتر ما بيحبك
صور لما تحبي خطيبك اكتر ما بيحبك
الخطيب في الاول حب و غرام
صور لما تحبي خطيبك اكتر ما بيحبك
الخطيبة و الخطيب يبنهم غيرة عمياء
اعضائي و زواري الاحباء اتحدث معاكم اليوم عن البنت لما تتخطب في البداية اهتمام زائد جدا لغاية الزواج و بعد كدة انسى

في بداية الخطوبه

بصي احنا حنتبدي من الول خالص
في بداية الخطوبه
بتبقي المكالمات كتير و تلاقية كل شوية يتصل بيكي و اهتمام زايد و انتي فين و فين عقبال ما تتصلى بيه
وتتكلموا و تتعرفوا و تخلصوا الكلام و هو بكدة بيبقي عرف عنك معظم الحاجات يعني بتحبي اية بتفكري كيف
طموحاتك و هكذا بيخلص الكلامتيجي يعدي كام شهر من الخطوبة تتدخلوا في حالة الملل مش بتلاقوا كلام تقوله انتم الاتنين
مش بيتصل بية زي الول
يقولي هتصل و مش بيتصل
بيفضل سهران مع صحابة و انا و لا على باله
شغال لليل و نهار و فين و فين عقبال ما يعبرنى
مش دة يا بنات اللي بيحصلنندخل على نقطة نقطه
1-مش بيتصل زي الول دة طبيعي يا بنات انتي لما تبقي حابة اكلة معينة و بتموتي فيها مش هيبقي نفسك تكليها كل يوم
ولما خلاص عرفتى طعمها و اخدتي عليه مش بتقللي منها بس بتكليها
هما نفس الحكاية بتبقي انتي جديدة عليه و لازم يحببك فيه و هو كمان يحبك علشان كدة الاهتمام بيبقي زايد الفترة الولى
وبعد كدة بتتدخلوا في الجد فلازم تكبري دماغي و متعلقيش على حكاية المكالمات دي اتصل مرة و يكون حلو في الكلام معاكي زي عشرة مرات2-في خطاب يقولولك شوية و هتصل انا بيكي و يرجع ميتصلش و انتي ياعيني قاعدة مستنياة و حاطة ايدك على خدك مستنية الفرج
صح مش دة اللي بيحصل انا بتحصل معاية و ببقي حنفجر منه بس بقيت اكبر دماغي و يقول يتصل و ميتصلش عادى
ومش لازم لما يتصل كنت فين دانا قاعدة مستنياك كبري و عيشي اللحظة زي ما بيقولوا

3-شغال لليل و نهار و فين و فين عقبال ما يعبرنى
دي يا بنات المفروض نقدر ظروفهم و ظروف البلد الصعبة وان عليهم مشاغل و هموم و ضغوط
منجيش يابنات نزودها عليهم اكتر اشغلي انتي كمان اشغلي نفسك بحاجه

4 سهران مع صحابة سبية ياستي سهران و يعمل اللي هو عايزة و طبعا في حدود الدب و الاصول
ومتمسكيش في كل حاجه

ماشي اتفقنا في النقط دى
يبقي مش كل شوية رنات رنات رنات انتي لو مكانة حتزهقى
مش كل شوية تتصلى اتصلى علشان المهم و مرة تتطمني عليه
وخلية يحس باهتمامك بية مثلا تصحية يروح الشغل تسلية اكل و لا لسة كدة يابنات فهمتوا

 

جددي من نفسك

بصوا يابناتعايزين نخرج من حالة الملل اللي احنا فيها تعملوا ايهطبعا كلنا عايزين نجدد من نفسنا هقولكم كيف بصوا يا بنات

اول حاجة غيري من طريقة لبسك يعني جددي من نفسك و طبعا اللي امكانياتها تنفع تشتري لبس جديد

واللي ظروفها مش سامحة علشان الجهاز و كدة يبقي مثلا عندك طقم جيبة و بدي ممكن توفقي البدي على جيبة تانيه
وهكذا و طبعا العناية بنفسنا
يعني الشعر في الوش يتشال قبل ما خطيبك يجئ و لو في ايدك تشيلية و لو انتي مكتوب كتابك اهتمي بشعرك قدامه
بدل ما يتسرع و يتخض
والاسنان طبعا تتغسل علشان الضحكة تكون كويسة و ياريت يبقي معاكي كلورتس دة مستيكة بيخلي ريحة الفم كويسه
وطبعا هدومك لازم تكون مكوية مش كانها طالعة من الخلاط و ياريت المكياج يكون خفيف يعني انا بكتفي بالكحل و الروج الشفاف
وريحة العرق يا بنات اسهل حل و الحل المان ليكي الليمون بيقضي على ريحة العرق جربوة و ادعولى
ويكون البيت متروق و كل حاجة تمام علشان البيت و منظر البنوتة و رقيقتها و ضحكتها هي عنوانك

نيجي بقي بالنسبة للتليفونات
اللي مش بيلاقي حاجة يتكلم فيها
طبعا في الول سلامات و بعد كدة اسلوا بعض يوم كل واحد كان عامل كيف
ولو خلصتوا الكلام ممكن تلعبوا لعبة الصراحة و ما ادراكي ما الصراحه
بس محدش يزعل من الصراحه

ماشي ممكن تلعبوا لعبة الحروف الابجدية يعني تقولي حرف و يجيبي جملة على الحرف دهتمام ادينا لعبنا و خلصنا حنستفاد من دة كله اية ان هو على الاقل ضحكتم مع بعض طلعتم من حالة الملل اللي انتم عايشين فيها
نوع من التجديدخلية كل ما يجئ عندك يعرف ان الضحك و السعادة عندك انتي يعني اضحكي و هزري و خليكي بنوتة رقيقه
وخليكي مهتمة بية بمشاكلة بحالة في الشغل
خليكي انتي في حنية ما متة و دلع اختة عليه و بنوتة الصغيرة خلية يتجن عليكى
خلية يعرف ان انتي مفيش زيك اتنينشوفي بيحب اكلة اية و فجاية بيها حيفرح بيها اوي مش علشان الكلة علشان انتي عاملها علشان هو بيحبها
يعني انتي بتعملي كل حاجة علشان بتحبية و عايزة ترضيه

اتفقنا و لو في حاجة مضايقكي منه مش لازم العصبية و الخنقة و كل دة استني الوقت التمام و يكون رايق
وقوليلة ان انا زعلانة منك ياحبيبي حيقولك لية و هيصالحلك
اما لو انتي متعصبة اعرفي ان حقك حيضيع و هيقلب عليكي الترابيزه
ياريت يا بنات نختار اوقاتنا و الاوقات اللي نتكلم فيها

الحماوات

نبتدي و نقول في البداية خالص اعتبريها امك التانية حتى لو كانت شبة مريم منيب علشان نبقوا متفقينولو كانت بتعاملك وحش عامليها انتي بالحسنىنبتدي من الول خالص اللي مخطوبة جديده

بصي ياقمر عايزة تكسبي خطيبك لازم تكسبي حماتك الول و هو هيفرح اوي انك اهلة كلهم بيحبوكى
واعرف ان طالما حماتك حبتك يبقى

اهلة كلهم هيحبوكى
وخطيبك حيبقي مستريح
وهيبقي ليكي عين جوة البيت
وحتلاقي كمان ان هي ممكن تدافع عنك لو خطيبك مزعلك

حنرضيها كيف
1 تتصلى بيها تسلي عليها يعني ممكن تكلميها مرتين في السبوع و نوع تاني يابنات حماتها بتحب الكلام الكتير يعني عايزة الكلام كل يوم خلاص طالما بنحب كدة راضيها و ابو بلاش كتر منه بس خير الكلام ما قل و دل
2 تاني حاجة روحي زوريها من وقت للتاني و خدي حاجة حلوة معاكي و حتفرح اوي بيها و ممكن تسلي خطيبك هي بتحب ايه
3 لو كانت تعبانة طبعا لازم تروحيلها و اسلي كل شوية عليها و قوليلها ياماما لو احتاجتي حاجة كلميني مش انا بنتك كلي بعلقها حلاوة و مفيش اسهل من الكلام
4 امدحي فيها قدام خطيبك عارفة لية علشان خطيبك حيفرح بكلامك و حيروح يقولها و هتبقي طايرة من الفرحة اسالي مجرب
نصيحة يابنات متعمليش حاجة و تستني المقابل اعملي و خلي نيتك لربنا
علشان متتعبيش و متقوليش انا بكلمها و هي لا انا بزورها و هي لا احنا قولنا حنعمل علشان ربنا و بعد كدة خطيبك

بالنسبة لموضوع غيرة الحماوات مننا بصي يابنوتة منك ليها
لو انتي عندك ابنك و حسيتي ان ابنك حيحب واحدة اكتر منك مش حتغيري منها و حتبقي مش طايقها
بس لوانتي كسبيتها و عاملتيها كويسة و كسبتي و دها من الول حتحبك زي ابنها

ما بالنسبة بقي اللي مش نافع معاهم العجب و لا الصيام في رجب و مولعين صوابع العشر شمع ليهم

وبرضة مش عاجب

نعمل اية بصي ياقمر لو حتقدري تستحملي استحملي و عامليها برضة عامليها بالحسنى
علشان خاطر ربنا و بعد كدة خطيبك لاجل الورد بينسقي العوليل

لو المشاكل زادت يبقي تفاديها و ابعدي عنها خالص علشان مهما كنتي على حق
عمر ما خطيبك هيجي على امة علشانك يبقي ما تحاوليش تحطي نفسك في مقارنة معاهم
واللي ما لوش خير في اهلة مش حيبقي خير فيكى

وحاولي تصلى استخارة كتيرة و تدعي ربنا يهديها عليكي متتدعيش بغير كدة علشان انا عارفة اللي بيدعوا غير كده
اما بالنسبة لاخواتة البنات صاحبيهم و خليها صاحبتك بس نصيحة مني اوعي تحكيلها حاجة عنك انتي و خطيبك

ومتقولهاش خطيبي جبلي و لا خطيبك عمل و لا خطيبك سوي علشان هي لو مش مخطوبة حتغير منك و حتتضايق

وممكن تطلب طلبات كتير من خطيبك و توقع ما بينكم و خلي خطيبك ميحكيش حاجة تخصكم انتم الاتنين لحد و بذات لو زعل

لا تعانديهم و اتقى شرهم و حاولى ان تقللى الاحتكاك معهم

الرجل العصبى

علشان انا بعاني من نفس المشكلة بس الحب و لع في الذرة يابت و علشان كدة المفروض نستحمل
بصي ياقمر منك ليها لو خطيبك من النوع دة لازم تتجنبي اي حاجة منه مثلا لو بيتعصب من هزارك مع حد تتجنبي الحكاية دى
لو قالك متتكلميش مع دة او دة تتجنبي علشان الراجل العصبي بيبقي غيور اوي كمان و بيغيرتة ممكن يتعصب عليكى

وهتيجي على دماغك انتى

بصي بقي يا شابة منك ليها بتتكلموا عادي زي ما بتتكلموا هتلاقية هيتعصب تسيبة خالص يقول اللي هو عايزه

ومتتكلميش خالص حتى لو الكلام حيزعلك لية بقى

علشان لو اتكلمتى هيقلب الغلط عليكي انتي بمعنى هتكوني انتي الغلطانة يعني و لا تتعصبي و لا تتكلمي خليكي بارده

وحطي اعصابك في تلاجة دة حل

والحل التاني ان انتي ممكن تقوليلة يا حبيبي لما تهدي نبقي نتكلم او تقولي اي حجة تانية مثلا ما ما بتنادي عليه

المهم انك تقفلي معاة و خلاص علشان تتفادي المشكلة اللي جايه

بعد كدة لما يهدي تبقوا تتكلموا براحتكم بس اهم حاجة تتفادي وقت عصبيته

1 متعليش صوتك و متزعقيش
2 متتعصبيش عليه
3 متتناقشيش مع كتير و هو متعصب
4 لو سمعتي كلمة زعلتك و لا كنك سمعتي حاجة استني لحد ما يهدي خالص و بعد كدة نخد حقنا
زي ما بيقولوا منتطرقش على الحديد و هو سخن

دي و هو متعصب

الصراحه

لو الصراحة مبنية ما بينكم حترتاحوا اوي و بمعنى الدق الوضوح
الوضوح في العلاقة يعني ان انتم متخبوش حاجة على بعض
بس مش معنى كلامي ان كل حاجة تقوليها
اكيد فهمتوا انا قصدي اية و اللي مش فاهم يقولي و انا هافهمه
وكمان لو خطيبك صارحك بحاجة متعلقيش المشنقة و انت عملت كدة لية و كيف
والكلام دة حتى لو اضايقتي احترمي صارحتة وان هو قالك بدل ما كان خبئ عليكي كنتي حتزعلى اكتر
قل كلمة قوليلة انا احترمت صارحتك معاية و ياريت متعملش كدة تاني يعني تكلية بالكلام
بدل ما تخلية يندم ان هو قالك

عينة زايغه

 

نتكلم عن اللي خطيبها بتاع بنات و اللي خطيبها عينة زايغة و اللي خطيبها معاة بنات في الشغل و اللي ضايف بنات على الفيسحنبتدي بحاجة حاجه
1-اللي خطيبها بتاع بنات
بصي ياقمر منك ليها لو خطيبك كان قبل ما يعرفك كان بتاع بنات و بيعرف بنات كتير حطي تحت قبل ما يعرفك 100 خط و خلاص تاب على ايدك
مالكيش انك تزعلى منه او تعاتبية و خلاص تنسى الحكاية دي و كنها محصلتش و تحترمي ان هو قالك بدل ما كنتي تعرفي من برهاما بقي لو انتي مخطوبالة و بيعرف بنات عليكي فبقولك دة شخص حتتعبي معاة اوي في حياتك و حتفضلي شاكة فيه
وفكل حركاتهولاي بنوتة علشان خطيبها متخلهوش يبص برة خليكي مهتمية بنفسك و عندك ثقة في نفسك علشان الراجل بيحب البنت الواثقة من نفسها
وابعدي عن الزعل و الخناق و العكننة كل شئ علشان ميحاولش حتى يبص لبره

2-اللي خطيبها عينة زايغة اللي تبقي ما شية جنب خطيبها و تلاقية بيبص هنا و هنا بصي في رجالة بتبقي قصدة انك تشوفيها
علشان تحس بغيرتك عليها
وفي رجالة بتبقي عايزة تغزيلها عينها صح كلامي و لا لا
الحل اية بقي انك في الول تعدي و تعملي نفسك مش اخدة بالك حتقولولي كيف هقولك يمكن نظرة اولي و ظلمينوه
المرة التانية لاقتية بيص قوليلة على فكرة مش حلوة انا احلى منها و لو بصيت تاني على حد انا هزعل منك انت ترضي ابقي ما شية جنبك و بص على حد تانى
هيقولك لا طبعا هتقوليلة اللي مترضهوش على نفسك مترضهوش على حد
المرة الثالثة بقي و اظن ان هي مش حيبقي فيها مرة ثالثة بس الاحتياطي و اجب ازعلى منه و على الموقف دة و ساعتها هيجي يصالحك و هيراضيكى
ومش حيعمل كدة تاني بس متتعصبيش و لا تتخلقي عليه

3 البنات اللي مع خطيبك في الشغل
بصي انتي لو و اثقة منه و عطيتهالة الثقة يبقي متقلقيش عليه لو هو لوحدة في اوضة مع 100بنت طالما انتي و اثقة فيه
هتقولولي يا ريري البنات هما اللي ميتوثقش فيهم هقولك طالما خطيبك محترم و بيحبك و بيصونك في غيابك يبقي مهما عملوا
متقلقيش

4 اللي ضايف بنات على الفيس بصوا انا بعمل اية انا بدخل على الفيس عندة و لو لاقيت بنت عندة بمسح على طول
من غيرة ما اقوله
ماشي لو تقدري تمسحيهم من غير ما يعرف امسحيهم
ولو متقدريش في ساعة روقان اطلبي منه ان هو يمسح البنات لو قالك لية و مش لية قوليلة علشان بيغير عليك
حتلاقية حيعند و يتعصب قوليلة خلاص براحتك انا و اثقة فيك و نا عارفة انك قد الثقة دى
حتلاقية بيهدي لوحدة و لما يلاقيك كدة ممكن يمسحهم لوحده

انا كدة خلصت الجزء دة و لو اي واحدة عندها اي سؤال انا موجودة و هاجاوب عليها

  الراجل المتحكم

ندخل على الراجل المتحكم
الراجل بطبيعتة لما بيحب حد اوي بيبقي عايزة له هو لوحدة مش عايز حد يشاركة في الحاجة اللي بيحبهاعلشان كدة بتلاقية يمنعك من كل حاجة من الخروج من الكلام في التليفون من الهزار مع قرايبكودة بيحصل معانا صح و على فكرة يابنات دي مش قلة ثقة و لا حاجة و لا حتى شكدة خوف عليكي من اللي بيحصل في البلد و من الشباب و من كل حاجه

اول حاجة حنتفق ان اي خطيبك مش بيبقي له حكم على خطبيته علشان هي في حكم باباها و في بيته
مش في بيت خطيبك علشان كدة ما لوش حكم ان هو يقولي رايحة فين و جاية منين و تنزلي و لا لا

1-دي اول فكرة لازم تعرفها اللي في بداية الخطوبة ان انا بعرفك ان انا رايحة المكان المعين
مش باخد اذنك بس بطريقة احسن
2 لو هو بيقولك لا متروحيش و لا متجيش اللي طبعا عدي على خطوبتهم شهور لازم تعرفي و اجهة نظره
ان هو مش عايزك تروحي لية و لو صح نفذي رغبتة و لو غلط حاولي تتناقشي معاة و تفهمية الصح
بس متقولوش انت ما لكش حكم عليه حاولي ياقمر تختاري الالفاظ المناسبة علشان تكسبي الشخص اللي قدامك

وبطبيعة الراجل بيحب يعود خطيبتة على اسلوبة في بيت باباها علشان لما يتجوزوا تبقي عارفه
هو بيحب اية و مش بيحب ايه

مثلا معظم الرجال متفقين ان مش بيحبوا
البنت اللي بتنزل عمال على بطال دة في نوع من الرجالة كده
وفي اللي خطيبها مش بيحبها تبات برة بيتها
وفي خطيبها اللي مش بيحبها تشتغل
وفي واحدة خطيبها لازم تعرفة هي رايحة فين و جاية منين

بصوا يابنات في كل دول بيحب يحس برجولتة وان انتي بتسمعي كلامة و بتقدرية و بتحبيه
على فكرة مش سي السيد و لا حاجة بس دي غريزة في الراجل
واهم حاجة في التعامل انكم تكون متفاهمين يعني مش شخص واحد بس بيفرض ريه
علشان الحب مشاركة بين طرفين

يبقي اتفقنا مش علشان هو بيقولك متروحيش متجيش يبقي هو متحكم هما بيبقوا خايفين علينا من اللي بيحصل في البلد
وبيبقي دليل على حبة الشديد ليكي و خوفة عليكى
وابعدي عن اسلوب العند معاة خالص مش معنى كدة ان انا بقول ان احنا نلغي شخصيتنا لا بس منعندش معاهم

عارفين انا خطيبي مكنش عايزني اروح لصحابتي عارفين قولتلة اية خلاص اللي انت شايفة و لاقيتة اتصل بيه
بعدها بشوية قالي روحيلها بس متتخريش

يعني اللي انا اقصدة بذكاء المرة ممكن تخدي اي حاجة انتي عايزاة منه

الرجل المدخن

في بداية احب افكركم ان مفيش حاجة بتيجي بالزن او العصبيه

بس كل واحدة و على حسب زنها واحدة تقدر توصل الزن امر من السحر
وواحدة تخلية يعند اكتر و يقول و الله ما نا مبطل بالعند فيها

يبقي اللي عايزين نفهمة بالاسلوب الحلو و بذكاء البنوتة حتعرف تخد اللي هي عايزاه

بصوا بقي معاية و ركزوا السجاير و التدخين عامل زي الادمان بس طبعا مخاطرة اقل من ادمان حاجة تانيه
وقصدي بالادمان هو التعود على فعل شئ معين
واي واحدة مخطوبة جديد و خطيبها بيدخن لو حتقدر تستحمل الوضع دة توافق على الوضع دة بس حتعرف ان هي حتتعب معاه
بصوا يابنات انا خطيبي الاول كان بيدخن بالعلبتين في اليوم قبل ما يعرفني اتفقت معاة ان هو مش حيشرب سجاير
ووافق و قعد كام شهر ميشربش و انا كنت متكدة من كدة و مرة شوفتة بالصدفة و هو بيشرب عارفين انا اية اللي زعلنى
انا هو عمل حاجة من و راية علشان انا كنت بزعق و بتعصب

عارفين انا بقولكم كدة لية علشان حتفضلوا تزعقوا و تتعصبوا مش حينوبكم غير لقب نكد و عكننه
وحيعمل كل حاجة من و راكى

يبقي نتفق ان احنا حنطول بالنا معاة و نحط كمان اعصابنا في تلاجه
ماشي بعد كدة خدية بالهداوة و قوليلة ياحبيبي السجاير مضرة بالصحه
وقوليلة انا خايفة على صحتك و ياسيدي متبطلهاش على طول و واحدة واحده
عاملية زي الطفل
قوليلة مثلا 3 مرات في اليوم و كل اسبوع مثلا نقللها خالص و خلية يكل فاكهة عوضا عن السجاير
هاتيلة كراميل و لب يكلة و هو قاعد علشان يستغني عن السجاير و هكذا

ويا سلام بقي للمتجوزين حيبقي تحت عينكي و انتي اللي حتبقي عارفة خط سيره

يبقي اهم حاجة طولة البال و الهداوة و بكلمتين حلوين و تحسسية بنك خايفة عليه
حتقولولي عملنا كل دة و مفيش فايدة مبطلهاش ه
هقولكم بس على الاقل بطلها شوية بدل ما كان بيشرب علبة حيشرب 3 او 4
يبقي كدة احسن و لالا انتم ريكم ايه

ازاي تخلية يهتم بيكي الاهتمام

حنتكلم عن الاهتمام وان احنا نطلب حاجة بس بالذوق و نبعد عن العكننه
بس على فكرة الاهتمام مش بيجئ بالطلب عمر ما حنروح نقول لحد اهتم بينا اانا عجبتني اوي المقوله دي علشان هي صح

كل شيء يمكن ان يتي بالطلب الا الاهتمام فذا جاء بعد الطلب فلا قيمة له

لان اي مشاعر جميلة تطلب تفقد قيمتها و معناها لانها يجب ان تكون تلقائية و من القلب

يعني مينفعش اروح اطلب ان هو يهتم بية بس احسسة ان هو مهمل فيه علشان كدة انتي عايزة اهتمام منه

بس مش حتطلبية بشكل تلقائي يعني مثلا لو انتي زعلانة من حاجة معينة حسسية من نبرة صوتك
وهو اول ما حيحس حيفضل جنبك
عارفة اكتر حاجة تحسي بيها ان خطيبك حاسس بيكي ان هو يعرف نبرة صوتك يعني يبقي فاهم نبرة صوتك و انتي فرحانة و انتي زعلانة لما
بتتضايقي منه بتتبقوا فاهمين بعض و هكذا
اما بقي اهتمامك بية بصوا يا بنات خير الامور الوسط يعني منخليش اهتمامك بية ان انتي تتصلى بية كل ربع ساعه
دة مش اهتمام
الاهتمام بمعنى ان مثلا تتصلى بية لو حتى مرة في اليوم بس يحس قد اية انك مهتمية بيه
بنك تسلية على الشغل و عن الصلاة ان هو اكل و لا لا حسسية ان انتي يهمك امره

ولازم يا بنات تراعوا ظروف شغل خطيبك و الضغوط اللي عليه حتى لو قصر معاكي في حاجه

اما بقي لو انتي عايزة تتطلبي منه حاجة بس بالطريقة كويسه
بصي تستني الوقت اللي يكون رايق فيه و تحسي ان هو مش حيقول لالا على اي طلب
وبعد كدة تقوليلة ممكن يا حبيبي اطلب منك طلب حيقولك امري و اطلبي بقي اللي انتي عايزاه
بس ياريت يكون طلب واحد مش ما تصدقي بقي و تبقي مسورة و انفجرت طلبات

الثقة بالنفس
علشان نبقوا متفقين طول ما نتي و اثقة من نفسك يبقي ان شاء الله مفيش حاجة حتضايقكبصوا يابنات
الحمد لله ربنا خلقنا كلنا اشكال مختلفة و مفيش حد وحش كلنا حلوين و لو كان فينا عيب بس برضة حلوين
يعني متجيش تقوليلي اصل انا و شي في حب شباب في هالات سوداء في نمش
كل داء و له علاج بس برضة مش حنبقي و حشين
وعلى فكرة الجمال جمال الروح و طول ما نتي من جواكي حلوة و بتتمني الخير لكل الناس
الناس كلها حتحبك حتى لو متعرفكيش مسمعتوش عن الحب من اول نظره
وفي ناس اول ما تبصلها بتستريحلها
صح كلامي و لا حد معترضانا هدفي من المشاركة دي طول ما نتي و اثقة في ربنا
ربنا عمرة ما حيخذلك ابدايعني في واحدة خطيبها و سيم و احلى منها و عينة خضراء و شعرة اصفر و شكلة قالب على الواد مهند
وانتي اقل منه في الجمال و الواد و اثق في نفسة و الكلام ده
تفتكري هو خطبك لية مش علشان بيحبك مبصش لشكلك و لا لجمالك و لا مين احلى من مين اكيد شدة ليكي حاجة معينه
زي اخلاقك و تربيتك و سمعتك الكويسة انتي و اهلك
وانا قولت قبل كدة الراجل حتى لو عينة زايغة يبقي ما حيفكر يخطب واحدة حيخطبها لاخلاقها مش لجمالها
يبقي اهم حاجة انتي تبقي و اثقة في نفسك متقوليش لا هو حيبص برة لواحدة احلى مني و زية في الحلاوه

كان في نكتة بتقول المخدة مش بتشيل اتنين حلوين وان شالت بيتطلقوا
بعد الشر علينا من الطلاق

واللي لسة مش مخطوبه
او فيكي عيب زي اللي قولت عليهم فوق تفتكري ان انتي مش حتتخطبي و تتجوزى
ثقي في ربنا وان كل واحد مكتوبلة نصيبة و هو بطن امة و كل واحدة ليها يوم و حتتجوز
اهم حاجة تثقي في نفسك بس طبعا الثقة الزايدة لا علشان ميبقاش تكبر و للعياذ بالله
ومتقلش علشان محدش يحس انك ضعيفة و بقل كلمة تهزك
وطول ما نتي شايفة نفسك جميلة كله حيشوفك بعينيك انتى
والراجل دايما بيحب البنت اللي تكون و اثقة من نفسها مش دايما شكاكة في نفسها
ومتبقاش عارفة تخد قرار لوحدها

بتمني من كل قبلي ان يكون الموضوع مفيد و شيق و مليان بالمعلومات اللي تخليكي يا بنوتة دايما سعيده
  • اسم لمى في بيت شعر
  • الراجل المتحكم
  • صور خطيبي
  • مامعنى تغزيلها
  • مش بوحش خطيبي

725 views

لما تحبي خطيبك اكتر ما بيحبك