مساحة وعدد سكان المغرب العربي


صوره مساحة وعدد سكان المغرب العربي

المغرب،

المملكه المغربيه،

المملكه المغربيه الشريفيه ،



مراكش فرنساوى:

Royaume du Maroc)‏،

هى مملكه كبيرة وليها تاريخ عريق في شمال افريقيا،

بتطل على البحر المتوسط و المحيط الاطلنطى و جبل طارق،

و ليها حدود مع الجزاير و موريتانيا و اسبانيا.

عدد سكان المغرب 33 مليون انسان و مساحتها 175,186 ميل 2‏ ‏(453,730 كم2‏)،[1][2] و لما تشمل الصحرا الغربيه المتنازع عليها،

تزيد مساحه اراضى مملكه المغرب ل 274,460 ميل 2‏ 710,850 كم 2)‏.[3] اكبر مدينه في المغرب هى الدار البيضاء كازابلانكا و العاصمه السياسية بتاعتها هى الرباط.

المغرب فيها ثقافه و فنون عريقه و لعبت الدور الرئيسى في حضارة الاندلس و ده انعكس على الشخصيه المغربيه الحديثه المتذوقه للثقافه و الفن.

جغرافيه و اقتصاد المغرب

الطرق الحديثه بتنتشر في المغرب.
بتنقسم المغرب لكذا منطقة طبيعية كل منطقة ليها ميزه خاصة و هى



جبال الريف و حوض نهر سبو و نجود المحيط الاطلنطى و سلسله جبال اطلس و المغرب الشرقى و المغرب الصحراوى.

منطقة نجود شاطىء الاطلنطى منطقة خصبه بتشتهر بزراعه القمح و الفواكهو الخضار.

و في المغرب كذا بحيرة اهمها في جبال اطلس زى بحيرة سيدى على و البحيرة الزرقاء و ادلى و غيرها..

اهم الانهار في المغرب هى نهر ام الربيع و نهر ابو الرفراق وسبو و فروعه و وادى درعه.
بيعتمد اقتصاد المغرب على الزراعه،

و تربيه المواشى،

و محصولات الغابات الواسعه زى شجر الزان الاخضر و الارز و الصنوبر ،



و صيد الاسماك اهم مراكزه في اسفى و اغادير و فضاله و العرائش).

و المغرب غنى بالمعادن زى الفوسفات و الحديد و الفحم الحجرى و الرصاص و المنجنيز و النحاس و الزنك و القصدير و الكوبلت.

و فيه في المغرب صناعه دباغه الجلود والمنتجات و القدر النحاس و النسيج و الصابون و المطاط و الورق،

و بتستغل الطاقة المتولده من السدود اللى اتبنت بين الوديان.

و اتطورت السياحه في المغرب و بقت من المصادر المهمه للدخل القومى.
و بتعتبر كازابلانكا الدار البيضاء المركز الرئيسى للمواصلات الجويه.

و اهم موانى المغرب



مرسى الدار البيضاء و مينه فضاله و القنيطره و اسفى و اغادير و طنجه و العرائس و كلها بتطل على المحيط الاطلنطى و على البحر المتوسط فيه مينه الناظور.
التاريخ

جامع الكتبيه في مراكش تحفه من التراث المغربى.
المغرب بلد عريق موقعه ملتقى للثقافات الاوروبيه و الاسلامية و الافريقيه.

اتوالى على حكم المغرب ملوك كبار و دول سابوا اثارات و تحف رائعه ليها طابع مميز.

علاقه المغرب بمصر علاقه قديمة و كويسه بتدل عليها مراسلات سلاطين مصر و ملوك المغرب ،



و حجاج المغرب كانوا بيعدوا على مصر في روحتهم وجيتهم و كان فيه مجتمع مغربى عايش في القاهره و اسكندريه و كان منهم عسكر في الجيش المصرى و كانت فيه اسواق للمغاربه و لسه لغايه النهارده موجوده في القاهره اماكن باسم المغاربه زى عطفه المغاربه و زاويه سيف المغربى و عطفه المغربى و درب المغاربه و غيرها.

الدارسين و اهل العلم المغاربه كان ليهم رواق مخصص في الجامع الازهر في القاهره اسمه ” رواق المغاربه ” غرب صحن الجامع و ليه باب اسمه ” باب المغاربه “.

من اشهر المورخين المغاربه اللى اتمصروا و عاشوا في اسكندريه كان النويرى الاسكندرانى اللى كتب كتاب ” الالمام ” المشهور عن وقعه اسكندريه.

و من مشاهير الصوفيه اللى ليهم معزه عند المغاربه و المصريين السيد البدوى اللى اتولد في مدينه فاس المغربيه و ليه جامع مشهور باسمه في طنطا فيه مقامه و ابو العباس المرسى اللى ليه جامع في اسكندريه و غيرهم.
المغرب فيها اثار كتيره من كذا عصر منها الرومانى و الاسلامى و من اشهر الاثار الاسلامية جامع الكتبيه في مراكش و جامع حسان في الرباط من اثار يعقوب المنصور و المدارس المرينيه في فاس اللى بترجع للقرنين تلتاشر و اربعتاشر.
تاريخ المغرب تاريخ قديم و عريق بنا فيها الفنيقيين كذا مركز على سواحلها زى طنجه و مليلة و العرائش.

فى القرن الساتت بقت مراكز الفنيقيين تابعة للقرطاجيين و بعدين اخدها و بقت العاصمه هى مدينه وليلى و في القرن الخامس استوطنها الوندال و بعدين اخدها البيزنطيين 533 و العرب 683).

و اتاسست امارات مستقله زى “بنو مدرار” في سلجماسه.

و حصلت فوضى لغايه ما جه “ادريس بن الحسن” و اسس دوله الادارسه و اتبنت مدينه فاس و جامع القرويين 859)،

و بعدهم جم الفاطميين لغايه ما ضعفت دولتهم و انفصلت الاجزاء الغربيه و كونت دويلات صغيره.
المرابطين قدرو يوحدو المغرب لاول مره 1053-1147 و من اهم ملوكهم كان يوسف ابن تاشفين اللى اسس مدينه مراكش 1062 ،



و على بن يوسف اللى في فتره حكمه قدر المغاربه يخضعو ملوك الطوائف في الاندلس،

و ظهر الموحدين بزعامة “ابن تومرت” و خلفه “عبدالمومن على” 1130 اللى اخد مدينه فاس 1145 و قضى على المرابطين و خلفه ابنه “يوسف بن عبدالمومن” 1163 اللى وحد الاندلس و المغرب و انتصر ابنه “يعقوب المنصور” على الاسبان في معركه الاراك سنه 1195.

المغاربه عملوا جهد كبير للمحافظة على الاندلس و خاضوا حروب كبيرة لكن اللاتين اتحدوا ضدهم و شنوا عليهم حروب صليبية ضخمه كانت جزء من الحروب الصليبية على مصر و الشرق كان صعب الصمود قدامها بسبب كبر حجم الجيوش المهاجمه و بسبب الخلافات اللى حصلت مابين ملوك الاندلس اللى اتعرفوا ب ملوك الطوائف.

ابن بطوطه عاش في عصر بنى مرين و زار مصر و وصفها بام البلاد.
بعد افول نجم دوله الموحدين قامت على انقاضها دوله المرينيين بنو مرين و كان من اشهر ملوكهم “ابو الحسن على” و ابنه “عنان المرينى” و ايامهم وصلت المغرب لدرجه كبيرة من التقدم العلمى و التحضر.
الرحالة “ابن بطوطه” صاحب الكتاب المشهور “تحفه النظار في غرائب الامصار و عجائب الاسفار” عاش في عصر دوله المرينيين و بيعتبر من اشهر المغاربه و زار مصر في عهد السلطان الناصر محمد بن قلاوون و انبهر بيها و وصفها بانها ام البلاد.
بعد المرينيين حكم الوطاسيين 1470 و في عصرهم احتل الاسبان و البرتغاليين مدينه سبته و طنجه و مليلة و غيرها من مدن السواحل ،



و بعد المرينيين اسس “محمد القائم بامر الله” دوله الاشراف السعديين 1510-1659 و خلفه السلطان احمد الرابع و عمل نهضه اقتصاديه كبيرة و انتصر على البرتغاليين في معركه وادى المخازن القصر الكبير سنه 1578.
التدخل الاجنبى
فى القرنين السبعتاشر و التمنتاشر انتشرت القرصنه على السواحل و بقت للقراصنه مراكز على البر المغربى و ابتدى الاوروبيين يطمعو في المغرب،

لكن الدول الاوروبيه اتفقو في موتمر مدريد سنه 1880 على انهم يحافظو على استقلالها و انتهاج سياسة الباب المفتوح في التجاره،

لكن حصلت خلافات بينهم،

و على الرغم من ان فرنسا و انجلترا عملو الاتفاق الودى سنه 1904 لكن فضل الخلاف قايم بينهم،

و في الاخر اتوصلت الدول الكبرى في موتمر الجزيره الخضرا سنه 1906 للسماح لفرنسا و اسبانيا بحط قوات بوليسيه تحت اشراف فرنساوى اسبانى،

و في اواخر سنه 1911 غزتها الجيوش الفرنساويه و الاسبانيه و نزل الاسبان على ساحل المغرب الشمالى و زحف الفرنساويه على مدينه فاس،

و في 30 مارس 1912 فرض الفرنساويه و الاسبان حمايتهم على المغرب و اتقسمت مراكش لمنطقتين واحده فرنساويه و التانيه اسبانيه و عملو طنجه منطقة دوليه.
استقلال المغرب
ثار المغاربه و قاومو و كانت ثوره الريف سنه 1921 بقياده الامير “عبدالكريم الخطابى” من اشهر الثورات دى.

و وقت الحرب العالمية التانيه نزلت قوات انجليزية و امريكية و احتلت المغرب.

و كان السلطان محمد الخامس او سيدى محمد بن يوسف بيناصر الحركة الوطنية المغربيه و بيشجعها فنفته فرنسا سنه 1952 لكن اضطرت بعد سنتين ترجعه لعرشه و اعترفت باستقلال المغرب و وحدته في مارس 1956 و عملت اسبانيا زيها في ابريل من نفس السنه،

و اعلنت الدول الغاء منطقة طنجه الدوليه فرجعت تانى للمغرب و انضم المغرب للامم المتحده 1956).
بعد وفاه الملك محمد الخامس سنه 1961 خلفه ابنه الحسن التانى.

و في سنه 1971 اتكشفت موامره عليه اتدبرت بره المغرب و بعدها بسنه حصلت محاوله اغتيال اتزعمها الجنرال اوفقير المقرب ليه و اللى انتحر بعدها.

  • مساحة الجزاير في المغرب العربي
1٬749 views

مساحة وعدد سكان المغرب العربي