نكت ليبية 2019 , نكت مضحكة ليبية

نكت ليبية 2019 نكت مضحكة ليبيه

تمتعي معنا باحلى النكت الليبية المضحكة 2019

مرة في طالب اقرش قالت له الابلة قول خمسة و الطالب يقول خمشة و المهم قالها اكثر من مرة شوى الابلة دالات له استدعاء و لى امر و حكتلة الموضوع بعد و لى الامر قال لها تبية يقولك خمشة و خمشين .

 

2 واحد خاطم من الشارع يسمع في التخبيط طاق طيق اوصل لى راس الشارع
القى الجماعة بلعبو في كارطة بالزينقوات.

3 واحد سكران طينة امعكس في الشارع في الليل القى سوادنى شاد شكاير
كناسة قالة ربى ايصون.

4 سكران خاطم من قدام عزاء .

 


حالة و فاء يعني قال الى اهل الميت ما فيش
امل يرجع .

 

5 في شيبانى ليبي امشي من سيربح المليون امش سالة جورج قرداحى قاله
من جاى معاك الشيبانى قالة امي امشي جورج قرداحى قالة عنجد
امك يعني بجديات .

 


قالة الشيبانى عنجد بوك.

5 واحد طاح من فوق الحيط قالولة جاتك سليمة قاللهم قوللها اتخش
المربوعة توا انجي.

6 سكران طاح من فوق عمارة قالولله لابس شنو صار قاللهم و الله ما ني
عارف حتى اني كيف و اصل.

7 واحد قتلة الابلة ارسم فيل امشي ارسملها نقطة قتلة وين الفيل يا
فرخ .

 


قاللها ما اتشوفيش فيه جاى من بعيد.

فى مصري امشي للجزار قالة اعطينى لحمة بجنية قالة الجزار هاك الحس
الشيتة .

 

9 واحد ما شي في الطريق و عندة بيحو القى واحد عندة مكسمة امشي قاله
شنو رايك انديرو افارى قالة صاحب المكسمة تى شنو تحسابنى خروف انبدل
مكسمة بى بيجو قالة صاحب البيجو هادى فيها سر امشي اضرب على
الكوفنى اطلع ما رد قالة برا جيب شاهى و كاكوية .

 


امشي صاحب المسكمه
افرح بدلو لى بعضهم روح صاحب المكسمة بالبيجو قالولة اهلة يا
مهبول اتبدل مكسمة بالبيجو قاللهم هادى فيها سر اشرب على الكيفنو
جاة المارد قالة جيبلى 2 ليبو ز 1 مكسمة قالة المارد اسف اختصاصي
شاهى و كاوكية بس.

10 مراءة ليبية امشت من سيربح المليون امشي علقت في سؤال طلبت استعانه
بصديقة اتصل جورج قرداحى الوو اخت فاطمة معاك جورج قرداحى من
برنامج من سيربح المليون قتلة و النبى سكر من غير اتسهويك .

 

11 فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة .

 


قالت توا بنعطو لى بوعجيلة عصي و حدة بكسرها طربق بوعجيله
العصي قالت توا بنعطو ابو عجيلة عصاتين مع بعض طربق بوعجيله
العصاتين بعدين قالت توا بنعطو بوعجيلة الحزمة كلها ما يقدرش
ايكسرها امش طربق بوعجيلة الحزمة كلها قتتلة افلقت الدرس يا
بوعجيلة .

 

12 واحد قال لى بوة اعطينى خمسة دينار باندير دورة قالة خود
دينارين و و قص قصان
13 في واحد عندة دجاج ما ايدحيش بكل جاهم يوم متكنطى قال غدوة الي
ما نلقهاش امدحية على اقل خمسة دحيات بندبحها اليوم التانى جى شاف
الاولي القى تحتها ستة شاف الثانية الى تحتها سبعة شاف الثالثة الي
تحتها و حدة كيف جاب الموس بى ايجر عليها ابدت اتصيح اتقوله اني
سردووك سردووك ديك مش دجاجة .

 

14 واحد عندة دجاج خاطم بية لى طرابلس و هوا ما شي و قفوه
البوابة الاولي شنو عندك قاللهم عندي دجاج شنو اتوكل فيه
قاللهم شعير قالولة يا حلو اتوكل في الدجاج الشعير و الناس مش لاقيه
تاكل اعطوة طريحة اقريب قتلوة جى من البوابة الثانيه
شنو عندك عندي دجاج شنو اتوكل فيهم .

 


قاللهم كناسة قالوله
اتوكل في الدجاج الكناسة بعدين اتبيع فيه للناس اعطوة طريحه
جى للبوابة الثالثة قالولة شنو عندك قال دجاج قالولة شنو
اتوكل فيه قاللهم من الاخير نعطى فيه في مصرو في و يمشي يشرى بروحه.

15 واحد امشي للدكان قالة و النبى صرفلى الدينار اربعة ارباع قاله
ارباع برا تو تلقاهم تحت الكوبري.

16 في واحد امشي للعيادة عندة سن فيه سوسة امشي قال لى الدكتور و النبي
نحيهم كلهم و خلية هوا بروحة زي الكلب .

 

17 في طالب روح لى بوة ناتشة الاستاد من و دنة امشي جى و لئ امر الطالب
قال للاستاد خيرة و لدى قالة يتسهوك انقوله ارسم منضر طبيعي ايقولي
تبية غروب و الا شروق في شجر و الا ازهار كبار و الا صغار امشي الراجل
قالة لالا يا استاد و لدى شاطر امورقلة الاستاد قال لى الراجل تعال اوقف
بحدا الباب و خنس لى و لدك امشي الاستاد نوض الولد و بوة لابد بحدا
الباب قالة ارسم منضر طبيعي قالة الولد كيف يا استاد غروب و الا
شروق سيف و الا شتاء ربيع و الا خريف امشي بوة اتكنطى خش للاستاد قاله
و النبى تنتشة و الا ننتشة اني.

18 في واحد مراتة حامل امشي قال كانى جانى ولد بانسمية مبروك
امشي مراتة جابت ولد و جت الممرضة اتفرح فيه قتلة الف الف مبروك
قاللها قمطى و حطى في السيارة .

 

19 في واحد ما شي ايهيج في طرابلس امشي طاح تيزتانه
يعني محفضة امشي للمركز قاللهم راح تيزتانى فيه 1000 دينار امشي
اعطوة الف دينار تعويض روح لصاحبة قالة اضحكت عليهم قلتلهم ديزتاني
فية الف دينار و راح اعطونى الف دينار
امشي صاحبة للمركز قاللهم تيز تانى راح معاش القيتة قالوله
شنو كان فيه قاللهم حوازة و حوش على دورين.

20 في مراءة ديما اتعيط على راجلها .

 


فى حوش بوى ديما نمشي للسوق في
حوش بوى ديما نشرى في حوايج شاديتلة 24 ساعة حوش بوى حوش بوي
اتكنطي منها قاللها و النبى هيا بدلى حوايجك قتلة و ين
للسوق قاللها لالا لى حوش بوك.

21 واحد اعمي ما شي للعرس ارفع مع و لدة قالة كان الجماعة ياكلو بسرعه
انخصنى باش الحقو معاهم امشي الاعمي عكس مع جماعة بدالى و هابي
اقعد ياكل بسرعة الولد اتحشم ابدى ينخص في بوة و الشيابنى طايح ليه
لية و الولد بنخص امشي الشايبنى لوح الكاشيك
و قام الصونية قاللهم تى غير صلو على النبى يا جماعة بشوية .

 

22 في طالب قالت له الابلة جيب بوك .

 


امشي جى بوة قال لى الابلة خيره
ولدى قالت له ولد خروف غبى ما يعرف شي .

 


قال لها
كيف ولد ذكى قالت نسالة سؤال كان جاوب و لدك ذكى قالت للولد برا
دور عليا لوطي امشي الولد دور دور و ارجع قاللها يا ابلة دورت
عليك في المسرح و حجرة المدرسات ما القيتكش اتلفت له بوة و يضربه
كف .

 


قال له تى برا شوفها في الادارة يا حمار.

23 في بو بريس خاطم القى فهد ابدى ايسب فيه .

 


قال له الفهد تى برا يا
بوريس اعقابها حتى انت امشي قالة كانك راجل تعال و راء الشجره
امشي شدة طاق طيق اطلع الفهد من غير عيون شافة النمر قالة خيرك
قالة بوبريس دارلى هكى قالة بوبريس تى و ينة جى البوبريس للنمر
قالة كانك راجل حتى انت اطلع و راء الشجرة اعلق عليه و راء الشجرة طاق
طيق اطلع النمر حالة شافهم الاسد قاللهم تى خيركم قالوله
بوبريس قاللهم بوبريس دار فيكم هكى تى و ينة جاة البوبريس قالة حتى
انت يا اسد كانك راجل اطلع و راء الشجره
جاة و راء الشجرة امشي البوبريس ايقول للتمساح الى و راء الشجرة حتى
هدا يا ولد عمي حتى هدا معاهم.

24 في فصل كله حمير و اغبياء امشي قالت الابلة من ايقولى جمله
اسمية ناض الفلتة فيهم على اساس
قال لها البكندا يشرب الشاى قال له شاطر قمعز
امشي قالت من ايقول جملة تانية ناض نفس الطالب
قال لها البكندا يشرب الشاى قالت تى مش قلتها توا هادي
قاللها لالا هادى الدورالثاني.

25 ابلة سالت طالب قالت له عندك 5 دينار و اخد منك خوك دينارين و
نص قداش يقعد عندك قاللها ما يقعد عندي شي قتلة كيف
قاللها و الله ما يقعد عندي حاجة قتلها توا بتعرف الحساب احسن مني
قاللها توا انتي بتعرفى خوى احسن منى .

 

26 في اعمي خاطم في الشارع.
امشي شدت عليه سيارة فرينو اقريب
ضرباتة اقعد اعيط اية تى شوطة شوطة اقتل عمه.

27 في واحد ناض من النوم القى ايدة زرقاء امشي للدكتور قالة هدا و رم
خبيث لازم انقصو ايدك قالة باهي.
امشي الدكتور قصلة ايده
تانى يوم ناض الراجل الى رقبتة زرقاء امشي للدكتور نفسة قاله
لازم انقص رقبتك .

 


قالة الراجل شنو هوا تى برا يا راجل امشي قال احسن
برنامج نمشي انعالج برا خيرلى امشي سافر برا امشي للدكتور .

 


قاله
نوضت من النوم القيت رقبتي زرقاء شافة الدكتور قالة برا اغسل
رقبتك .

 


طالقة عليها رقبة السورية .

 

28 في جامعة و فد من سوريا جاية طرابلس امشي و حدة من سوريا بتتعرف
على ليبي من طرابلس
قالت انا سورية من حلب
قاللها انا سروال من مجمع الصقع .

 

29 في دكان ايبيع في السلع المحلية بالدركة المهم مرة جيت ازمة طمام
فى البلاد الدكان ازحم زحمة صح و حاط الطمام فوق في اخر رف و
السقف عالى اتشحوير الهم جى الاول قالة اعطينى حكة طمام جابله
و انزل الى بعدة قالة اعطينى حكة طمام اركب جاب و انزل الي
بعدة نبى حكة طمام صاحب الدكان قاللهم علاش اتشحوير ما هو قولو مع
بعضكم و اني فوق اركب امش قال للرابع شنو حتى انت تبى حكة طمام
امشي انزل .

 


قالة املا انت شنو تبي
قالة الرابع اني نبى حكتين مش حكة و حدة .

 

30 في واحد امشي طرابلس القى خلاط امتع عصير قامة و اقعد يفحص
فية ما يعرفاش شنو هوا قال و الله لما نشرى واحد و اروح بيه.
المهم روح
بية للبلاد جابة للجماعة حطوة في النص و دارو عليه دورة و
يفكرو فيه شنو هوا بعد سعتين و الا ثلاث ناض اذكي واحد فيهم على
اساس قاللهم و ربى الكعبة ما يطلع الا غسالة شخاشير .

 

31 في واحد خاطم و عندة حلو ما شي بية القاة صاحبة اقعد يتسهوك
عليه قالة تعرف يا راس و الله اعرفت حلو و انت ما اعرفتكش.
قاله
عادي الحمير تعرف بعضها.

32 واحد القى براد شاهي.
حكة اطلعلة ما رد قالة اطلب شنو
تبى .

 


قالة نبى تبنيلى كوبرى من ليبيا لى امريكا قالة لالا يا راجل
اطلب حاجة ساهلة شوية تى شنو كوبرى من ليبيا لى امريكا قاله
باهى نبى ليبيا تربح البرازيل قالة المارد ما قوتليش
تبى الكوبرى مشي و جى و الا مشي بس.

33 قالك في زوز امعكسين تحت ناطحة سحاب ايشوفو في حاجة نازلة من
فوق الجماعة مدت ايديها بى تتلقي يحسابوة شنطة و الا تيزتان.
طاح عليهم دولاب امهني.

34 في ليبي و يبانى تعاركو امشي اليبانى اضرب الليبي
ارقد في المستشفي ثلاث ايام بعدها جاة قالة شنو الحركة هادي
قالة اليبانى حتى تيكواندو المهم امشي الليبي اتمرن و جي
اتعاركو مرة تانية اليبانى اضرب الليبي ارقد في المستشفي ثلاث
ايام بعدها جاة قالة شنو الحركة الجديدة قالة اليبانى حتى هيا
كاراتى امشي اتمرن الليبي و جى .

 


اتعاركو مرة ثالثة الليبي
اضرب اليبانى رقدة في العناية ثلاث شهور .

 


بعدها جى اليبانى قالة ما
اتقوليش شنو الضربة هادي.
قالة هادى لا تيكواندو لا كاراتى حتى هوا
كريك هونداي.

35 في ثلاث طلبة عندهم امتحانات و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال كم عدد ارجل النعجة ما عرفوش اثنين سلمو
وراقيهم و واحد اقعد بعد ما تم الوقت قالولة علاش ما قلتناش كم
عدد ارجل النعجة قاللهم و الله ما فيها كيف المراقب كان حنبي
ما اقدرتش انطلعها النعجة .

 


صور نكت ليبية 2019 , نكت مضحكة ليبية

صور نكت ليبية 2019 , نكت مضحكة ليبية

  • صور نكت ليبيه
  • نكت ليبيا
  • صور مضحكة ليبية
  • صور نكت ليبية مضحكة
  • نكت ليبيه 2017
  • نكت بالصور ليبيه
  • نكت مضحكة ليبيا
  • صور نكت ليبيه مضحكه
  • صور مضحكة جدا جدا ليبيه2017
  • نكت مضحكة ليبية2019

2٬894 views

نكت ليبية 2019 , نكت مضحكة ليبية